| | 
السلام عليكم ورحمه الله وبركاتهبالنسبة لحمام العرايس فهو لا يختلف عن الحمام المغربي العادي الا في وصفات مضافة مخصوص للعروسة عشان تبقى على سنجة عشرة 
ده موضوعي عن الحمام المغربي بخطوات سهلة و بسيطة
المهم نيجي لأول وصفة: الحنة و الداد
هتحتاجي لكمية من الحنه ( الخاصة بالجسم و التي تسمى بالحنة البيضاء )
و هنحتاج للداد
و هنحتاج للورد مجفف
الطريقة بقى:
هنحضر الاول مية الورد، هناخذ الورد و هنحطه في مية و نسيبه شوية على النار..
ناخذ المية دي و نصفيها و نعجن بيها الداد مع الحنة
الجسم لازم يكون ناشف و تحطى الخليط على جسمك من الرقبة لحد صوابع رجليك
اوعي تستعملي الخليط على وشك!
المهم تسيبيه ينشف ساعتين او 3 ساعات و بعدين
تغسليه و تعملي الحمام المغربي عادي و هتشوفي البلاوي اللي هتطلع من الجسم
ههههههههههههههههههههههه.
دي الطريقة الاسهل!!
و الطريقة التانية و دي بتدي نتيجة احسن طبعا
انك تسيبيه ينشف و تلبسي هدومك عليه و الليل تشيليه من غير ما تليفي الجسم يعني تشفطيه و بس..
و تعملي نفس الطريقة لمدة 3 أيام...
3 يوم تعملي الحمام المغربي العادي بكل تفاصيله
الوصفة دي بتشيل آثار الحبوب و بتفتح لون الجسم و عن تجربة شخصية.
نيجي بقى للوصفة التانية:
و هي ما تسمى عندنا في المغرب صقلة العروس
ليه صقلة العروس عشان بتصقل الجسم و بتخليه ابيض و لامع و من غير عيوب .
مكوناتها مفيدة جدا لبشرة الجسم و بتفتحه بس لازم المداومة عليها شهرين او 3 اشهر قبل الفرح عشان النتيجة تبقى مية مية..
المكونات بقى:
100 جرام فول مطحون
100 جرام حلبة مطحونة
100 جرام نشا
100 جرام سكر صقيل
100 جرام طين أبيض
100 جرام مسحوق الحليب ( نيدو مثلا )
معلقة كبيرة عكر فاسي ( دم الغزال )
و ممكن كمان تضيفي الحنة البيضاء لهذه المكونات...
تاخذي المكونات و تضعيها في علبة.
وعند الاستعمال تاخذي كمية تضيفي عليها شوية زيت لوز مر و معلقتين كبار صابون بلدي.
لو الخليط فضل جامد ضيفي شوية مية زهر او مية ورد ( شوية صغيرين ) لحد ما تحصلي على خليط متجانس و لا تقيل و لا خفيف.
نصيحة مني.. تكوني مثلا امبارح اخذتي حمام مغربي و
ليفتي جسمك و النهارده تستعملي الخلطة دي و تسيبيها على جسمك ساعتين او
اكثر لو قدرتي تستحملي شوية هههههههههههههههه
و بعدين تغسلي و تستمتعي بالبياض و النعومة..
الوصفة دي تستعمل مرة كل يومين ، شهر قبل الفرح.
طبعا مش هننسى الواجهة هههههههههه وش العروسة لازم نهتم بيه هو كمان...
بعد ما تخلص عروستنا حمامها المغربي تستعمل ماسك من الماسكات دول..
أحسن وصفة و أسهلها
شوية طين أبيض
شوية عكر فاسي
و شوية مية ورد
تخلطيهم و تحطيهم على وشك لحد ما ينشف الماسك و قشريه و اشفطي بمية دافية و بعدين مرري ثلجة مية ورد ( مية ورد مجمدة )
هتشوفي وشك منور ازاي ان شاء الله..
الوصفة التانية كمان حلوة جدا و بتبيض الوش خصوصا اللي اسود من الشمس...
المكونات:
شوية حلبة مطحون
شوية فول مطحون
شوية رز مطحون
شوية حمص مطحون
صفار بيضة
تخلطيهم و تحطيهم على وشك لحد ما ينشفوا و بعد كده تمسحي بمية ورد او ثلجة مية الورد
كمان في ماسك للوش تستعمليه بعد ما تطلعي من الحمام:
زبادي من غير سكر و شوية رز و تحطيهم على وشك لمدة 30 دقيقة و بعدين اغسلي وشك..
الوصفة دي ممكن تعمليها كل يوم
نيجي بقى للرجلين طبعا اللي بيبقوا معيار للأنوثة...
بعد ما تطلعي من الحمام استعملي حجر لازالة الطبقة الميتة
بعدين اذهني رجليك بڤازلين او بزيت لوز او حتى زيت زيتون و البسي شرابات نايلون و الصبح هتشوفي النعومة المش طبيعية
كمان في طريقة تانية
خذي معلقة صابون بلدي و ضيفي عليها شوية صغيرة جدا عكر فاسي و اذهني بيها
رجليك و البسي شرابات بلاستيك و سيبيهم ساعة و اعشلي رجليك و هتشوفي
النتيجة بنفسك.
ممكن تاخذي علبة ڤازلين و تضيفي عليها العكر الفاسي و تستعمليها لكعب رجليك و كمان لشفايفك آهه ترطيب و كمان لون وردي حلو جدا...
يا رب اكون عرفت افيد عرايسنا الحلوين ربنا يتمملهم بخير
ويارب كل اللى متجوزتش تتجوز
|
|
