| | 
 اذكر اني لا بغيت الشي ,, >> ( جاني ) , لابغيته
اجذب العصفور من سابع سما >> لو ما حذفته
و اذكر ان الورد يهدى لي , وعمري ماهديته
الزهر لاصار بيدي ,, لا تحسبوني قطفته
واذكر اني كل دربٍ بالهوى صعبٍ مشيته
مايعرف الخوف قلبي ,, والهوى مايوم خفته
قالوا: أن الحب عالي ,, قلت : عالي و أعتليته
قالوا : الموقف صعيب , وقلت : شوفوني وقفته
لا كن الايام دارت , وانتهى ماضي بديته
وكل ذنب اقترفته ,, قلت : ليتني ما اقترفته
والسبب من بعت كلي لجل بعضه واشتريته
جادل غير مفاهيم الغرام اللي ولفته
انحنى قلبي لحبه ,, بس راسي ماحنيته
مانصفته لو حنيته ,, لو حنيته مانصفته
وان حنيته اعرف اني قبله برجلي وطيته
طفت انا الا الكرامها حدها مايوم طفته
قلت ابي احيا بدونك وابتعد واثري حييته
قلت ابي انكر غلاه اللي بكلي وا اعترفته
جيت اباخذني من يدينه لقيت اني عطيته
جيت ابي اخفي الحال عنه ,, مادريت اني كشفته
لو يغيب شوي عني ,, شانت اخلاقي وجيته
ويوم اجيه يصد ,, بس ارتاح لين اني صدفته
اه يا اه احتوتني ,,, اه يا حزن احتويته
اه ياناي خلقته من جروحي ثم عزفته
كم كنت احسب اني درست الحب وكتابه قريته
لا وربي ماعرفت الحب لين اني عرفته
اكتبه وامحيه وارجع واكتبه ككل مامحيته
اتذكر شي وانسى شي وابطي ماوصفته
لا تلوموني تراني لو وصفته ماوفيته
تاقف حروفي وتقعد ماتوصف شي شفته
ومن يقول اني هديت الورد قبل اني لقيته
قلت وقف ما عرفت الورد لين اني قطفته
| {.... توقيع beren saat ....} | |
|
|
